Tilgangur, ótti og reiði

3.Kafli – Hvenær líður „mér“ best?

III.Tilgangur, ótti og reiði

o   Hver og einn verður að finna sinn tilgang með því að leita að honum og þegar einstaklingurinn hefur fundið tilganginn og fullvissað sig um að það sé það sem viðkomandi vilji taka sér fyrir hendur þá mun sá einstaklingur, með eigin vinnuframlagi, sjálfkrafa fá þann”alheims” stuðning sem til þarf til að ná markmiði sínu því það er eins og viðkomandi sé leiddur áfram. 

o   Til að ná árangri þá þarf að trúa á árangurinn, eiga von um að ná markmiðinu, og leggja sig fram með auðmýkt í farteskinu, þ.e. fara veginn til markmiðsins með virðingu fyrir öðrum.  Þetta snýst um að trúa á markmiðið og treysta á árangurinn!

o   Áhyggjur eru tilgangslausar því áhyggjur einar sér eru ekki til neins.  Ef það virðist vera tilefni til að hafa áhyggjur þá þarf að spyrja sig: „get ég gert eitthvað í málinu?“ Ef svarið er já, þá er bara að drífa í því að gera það sem gera þarf og halda síðan áfram.   Ef svarið er nei, þá er bara að ýta þeim hugsunum frá, njóta augnabliksins, og halda áfram!

Í raun og veru þá er ekkert að óttast nema óttann sjálfann!   Það erum við sjálf sem búum til okkar ótta, efasemdir og áhyggjur í langflestum tilvikum.   Þá erum við að tala um ótta við að mistakast, ótta við að einhverjum líki ekki við okkur en það hvað öðrum finnst um okkur hefur í raun ekkert með okkur að gera heldur viðhorf þess sem finnst eitthvað um okkur!   Þessi ótti er algjörlega óþarfur og bara til í okkar eigin huga.   Sleppum hendinni af óttanum og lifum lífinu með bros í hjarta!

q 
          Aðferð: Biðja nemendur að nefna dæmi um ótta.   Fara yfir það hvort sá ótti er raunhæfur eða hvort um eigin ranghugmyndir og hugarfar er að ræða.   Dæmi: “Ég er svo hrædd um að fjallið detti á mig!”  Hverjar eru líkurnar á því að fjall detti á unga nemandann?  Auðvitað, nánast engar.   Hvers vegna að vera þá að eyða yndislegu “nú-i” í þann ótta?   Dæmi 2: “Ég er svo hræddur um að kóngulóin borði mig!”   Hverjar eru líkurnar á því að kónguló borði unga nemandann?   Það eru 100% líkur á því að kóngulóin borði unga nemandann ekki!   Hversvegna þá að eyða dýrmætum tíma í að velta sér upp úr því?   Svona má halda áfram endalaust...því í flestum tilvikum snýst þetta eingöngu um okkar eigin hugarflug!   

            
Hvað óttast þú?   Hversu raunhæfur er sá ótti? 

o   Hæfni til að sigrast á ótta er sú hæfni sem þarf að vinna mest með en hún veldur einstaklingnum hvað mestum hindrunum!   Spyrja hvað það sé sem valdi ótta.   Eini meðfæddi óttinn er, samkvæmt Kára Eyþórssyni í Skóla lífsins, ótti við hávaða og fall.

o   Það er mikið auðveldara að fyrirgefa en vera reiður.  Ef einhver er óréttlátur og það brýst fram í reiði og jafnvel ljótum orðum þá er viðkomandi að koma á framfæri vanlíðan sinni.  Þá þarf að hlusta og velta fyrir sér hvers vegna viðkomandi er reiður – kannski liggur orsökin annarsstaðar en þar sem hún virðist liggja.

Til að uppræta ótta og reiði þá þarf oft ekki mikið til – stundum dugar knús, fallegt orð eða kannski bara það að leita eftir því góða innra með viðkomandi einstaklingi – því allir eiga sínar góðu hliðar!

v   
Tilgangur:  Finna það góða innra með hverjum og einum.

ü  Skýring: Allir eru góðir inni í sér og allir eiga tilfinningaríka, viðkvæma bletti.   Það er hægt að nálgast það góða í öllum ef haft er fyrir því.   Oft þarf ekki mikið til að breyta  nemanda í hinn mesta ljúfling ef bara er komist að hjarta hans og það uppfyllt sem vantar í líf hans.   Atvik sem sitja í einstaklingi, oft skortur t.d. á ást eða umhyggju, geta umturnað einstaklingi.   Það þarf að finna atvikin sem sitja í einstaklingnum og í raun laga þau með því að tala um þau og breyta þeim yfir í það sem einstaklingurinn vill hafa í lífi sínu.   Einnig getur einfalt atvik eins og það að vera neitað um eitthvað eða fá einhverja höfnun setið lengi í viðkomandi og oft er hægt að uppfylla það sem olli höfnuninni með því að nálgast það; hlutinn, ígildi gamallar óskar eða hvað það var sem ekki var uppfyllt.   Allar manneskjur eru að grunni til góðar manneskjur.   Það geta allir verið góðir við sjálfa/n sig og við aðra ef þeir velja það.   Það er síðan hvernig hverri og einni manneskju tekst að vinna úr aðstæðum og umhverfinu, á hvaða veg hver og einn einstaklingur þróast á hverjum tíma.   Áföll geta leitt til biturleika, erfiðleikar geta leitt til neikvæðni.   Spurningin er, hvort litið er á mótlæti sem leið til þroska eða til að nýta við eigið niðurrif!   Þetta er yfirleitt val hvers og eins.   Stundum þarf stuðning til að komast í gegnum erfiðleika, en þá er það á ábyrgð hvers og eins að leita eftir því.   Það er á ábyrgð hvers og eins að vinna í sínum málum.   Hvað unga nemendur varðar þá þarf að styðja þá og kenna þeim að taka ábyrgð, kenna þeim að takast á við aðstæður og vinna úr þeim!  

q  Aðferð: Ræða við nemandann, jafnvel um allt milli himins og jarðar, og finna út hvað hann óskar sér í lífinu.   Leitast við að skilgreina þá ósk / þær óskir sem viðkomandi á, því í flestum tilvikum er um að ræða ósk/ir sem hægt er að uppfylla.

Höfum í huga að erfiðleikar eru til að sigrast á þeim og auka þar með þroska okkar!Maður verður að trúa því að óskir manns rætist, trúa á sjálfa/n sig og trúa því að til sé annað og meira en við sjálf, eitthvað æðra máttarvald sem hægt er að leita til.