Áhrif umhverfisins á líðan nemandans

3.Kafli – Hvenær líður „mér“ best?

IV.Áhrif umhverfisins á líðan nemandans

Börn sem alin eru upp í slæmu umhverfi þroska yfirleitt með sér neikvæðara viðhorf eins og kom fram hér áður.   Við skulum skoða þetta aðeins nánar.   Þetta er í raun rökrétt út frá grundvallareðli mannsins.    Við líkjumst umhverfi okkar og aðlögum okkur að umhverfinu.   Besta leiðin er auðvitað að reyna að koma í veg fyrir slæmar aðstæður en ef það er ekki hægt þá þarf að kenna nemandanum hvernig gott umhverfi er.   Slæmt umhverfi getur haft slæmar afleiðingar, bæði andlega og líkamlega og gagnstætt því, geta góðar aðstæður haft góðar andlegar og líkamlegar afleiðingar.    

Nemendur sem alast upp við ást og hlýju þroskast betur bæði andlega og líkamlega og þeim gengur yfirleitt betur í námi og starfi.   Skortur á mannlegri hlýju dregur nefnilega bæði úr andlegum og líkamlegum þroska einstaklingsins.   Þessum einstaklingum gengur oft erfiðlega að sýna hlýju á fullorðinsárum.  Þessu þarf að vinna í því að það er hægt að læra að sýna hlýju og þiggja hlýju.

Umhverfið, fólkið í umhverfinu og aðstæður í umhverfinu, geta því haft mikil áhrif á líðan og velgengni einstaklingsins.   Hvernig er þitt umhverfi?   Er eitthvað sem má bæta í þínu umhverfi?

Hvernig er hægt að sýna umhyggju á fjölbreyttan hátt

v 

       Tilgangur: Koma með tillögur að aðferðum til að sýna umhyggju í samskiptum við nemanda.   Samskiptaaðferðir koma víða fyrir í bókinni en hér bendum við á nokkrar góðar samskiptaaðferðir frá hendi leiðbeinanda.

o   “Hvernig gekk í dag?“  Með því er leiðbeinandinn að segja að hann hafi áhuga á vellíðan nemandans.

o   „Hvernig gekk að klára verkefnið?“   Með því er óbeint verið að bjóða fram aðstoð.   Framhaldið ræðst af svari nemandans.

o   Segjast vera til staðar með því að segja: „Þú lætur mig vita ef þig vantar aðstoð við verkefnið.“

o   „Hvað er að frétta af vinkonu/vini?“ (ef t.d. áður hefur komið fram umræða um eitthvað í lífi vinkonu/vinar?)   Með því er þá einnig verið að ná fram viðhorfi nemandans til málefnis vinkonu/vinar og þá kemur fram hvort þörf er á að ræða það málefni frekar.

o   Öðru hvoru er gott að spyrja: „Er eitthvað sem þig langar að tala um?“  Þá getur komið fram eitthvað sem legið hefur á hjarta en ekki hefur verið tækifæri til að tala um fyrr en spurningunni er velt upp.

o   Spyrja nemandann: „Hvað langar þig  til að gera næst þegar við eigum frítíma?“

o   Öðru hvoru er hægt að spyrja hvort nemandann langi í eitthvað sérstakt að borða:  „Langar þig í eitthvað sérstakt að borða á laugardaginn?“   Þá fær nemandinn tækifæri til að leggja fram ósk sem hann hefur jafnvel verið að hugsa um.

o   Öðru hvoru er hægt að spyrja hvort nemandanum vanti eitthvað sérstakt.   Nemandann getur vantað til dæmis nýja sokka, nýtt strokleður, nýja glósubók, upplýsingar inn í  heimildavinnu eða eitthvað annað en hefur kannski ekki sérstaklega nefnt það að fyrra bragði.   Því er gott að spyrja: „Vantar þig eitthvað sérstakt?“   Þá er kannski ekki alveg verið að opna á að telja upp öll drauma“leikföngin“ og draumaferðalögin en verið er að falast eftir því að sagt sé frá því sem virkilega vantar.

o   „Ertu nokkuð þreytt/þreyttur í dag?“  Ef svarið er já, þá kannski segja „Heldurðu að það gæti verið góð hugmynd að fara snemma að sofa í kvöld?“  Ef já, þá segja til dæmis: „já, það væri nú aldeilis fínt að fara bara í háttinn um 8 / 9 leytið.“  

Þannig er hægt að passa upp á að nemandanum líði vel og skorti ekkert.   Þetta mun einnig leiða til þess að nemandinn mun á endanum óhræddur læra að segja frá, tala um, biðja um og leyta eftir því sem hann vantar á hverjum tíma.