Hamingjan

HVERNIG, HVER, HVAR, HVENÆR, HVERSVEGNA?

2. Kafli – hvernig persóna er “ég”? 

VII.Hamingjan

ü  Lykilorð: Kærleikurinn.

v  Tilgangur: Sýna fram á að kærleikurinn sé lykillinn að hamingjunni.

q  Aðferð: Sýna sjálfum sér og öðrum kærleika.   Það eina sem getur komið í veg fyrir hamingju er ótti.  Ótti getur verið til staðar svo skilningur á kærleikanum verði meiri.   En þá er það verkefni lífsins að útrýma óttanum skref fyrir skref og lifa í kærleika.   Í biblíunni stendur: “elskaðu aðra eins og sjálfan þig” en í því felst að þú átt fyrst að elska sjálfan þig til þess að vera fær um að elska aðra.   Þarna erum við ekki að tala um sjálfselsku sem getur til dæmis flokkast sem eigingirni,  heldur erum við að tala um ást, að elska sjálfan sig og aðra undir merkjum ástar.   Það er mjög mikilvægt að læra að njóta eigin félagsskapar, því það er enginn nema þú sjálf/ur sem skapar þína eigin hamingju.   Manneskjan er félagsvera og nýtur þess að vera í félagsskap en hver og einn verður einnig að njóta þess að vera í eigin félagsskap til að geta notið þess að vera í félagsskap annarra.   Hamingjan kemur ekki frá öðrum, það er ekki hægt að bíða eftir því að einhver annar geri mann hamingjusama/n, það erum við sjálf og enginn annar sem skapar okkar hamingju.

q  Aðferð: Hafa að leiðarljósi að það sem markar brautina að hamingjunni er:

1.      Að hafa heiðarleika að leiðarljósi.

2.      Að vera örlátur.

3.      Að varðveita mannvit sitt með því að forðast óhóflega neyslu áfengra drykkja og koma í veg fyrir tóbaksávana og fíkn í önnur skaðleg efni.

 Reglur um hamingju: Eitthvað að fást við, einhvern að elska, eitthvað að vonast eftir.

                                                               Immanuel Kant

                                                                                                                                         

Það er hægt að segja að fíkn sé skortur á væntumþykju gagnvart sjálfum sér, því að elska sjálfa/n sig,  en það eru ýmsar aðstæður sem geta orðið þess valdandi.   Því þeir sem fara út í fíkn geta í flestum tilvikum ekki tekist á við það sem takast þarf á við og geta í raun ekki, eða gleyma, að bera virðingu fyrir sjálfum sér. En það er hægt að vinna sig út úr fíknum eins og við komum inná síðar.

Ráðum við okkar eigin hamingju eða er hamingjan hverful?   Eins og kom fram rétt áður þá er það enginn sem stjórnar okkar eigin hamingju nema við sjálf.   Það er viðhorf okkar til lífsins og til annarra sem stjórnar því hvort við erum  hamingjusöm eða ekki.   Byrjaðu núna að taka stjórn á eigin hamingju!

Bros þitt getur haft miklu meiri áhrif á þann einstakling sem þú brosir til heldur en þig getur nokkurn tíma grunað!

Eitt bros getur dimmu í dagsljós breytt.

               

                        Einar Benediktsson: Einræður Starkaðar.

Hamingjan felst ekki í því að eignast allt, heldur í innri styrk og frið.   Með öðrum orðum, í réttu hugarfari.  En í því felst hamingjan!

                       

 Þegar ég var fimm ára sagði móðir mín mér alltaf að hamingjan væri lykillinn að lífinu.

 Þegar ég síðan fór í skóla var ég spurður hvað ég vildi verða þegar ég yrði stór.  

 Ég skrifaði “hamingjusamur.”

 Þeir sögðu að ég skildi ekki verkefnið, og sagði þeim að þeir skildu ekki lífið.

                                                                                   John Lennon, Bítlunum