Lífsmynstrið

6.Kafli – Hvar er „ég“ í tilverunni?

II.Lífsmynstrið

Eins og áður sagði þá er allt búið til úr litlum einingum.   Líta má á hverja einingu eins og kubb t.d. Legokubb.   Kubbunum er raðað saman og/eða þeir þróast með því að bæta utan á sig, þannig að úr verður það sem á að verða til hverju sinni; manneskja, dýr, plöntur, fjall, húsgögn og svo má áfram telja.

q  Aðferð: Velta fyrir sér samsetningu hluta, úr hverju þeir eru búnir til.

Litirnir koma út frá því hvaða lit hluturinn drekkur í sig eins og áður hefur komið fram.   Það eru síðan litirnir sem hluturinn er ekki búinn að drekka í sig sem mynda lit hlutarins.

Dæmi: Laufblað.   Laufblað hleypir í gegnum sig öllum litum nema græna litnum.   Það er þess vegna sem við sjáum grænt laufblað.   Hlutir eru málaðir og þá eru þeir málaðir í lit sem settur er saman úr einhverjum litum og sá litur er settur á yfirborð hlutarins.  Þess vegna sjáum við litinn sem við fyrirfram blönduðum saman.

q  

 Aðferð: Fara í vísindaferðir með litaðar fólíur, til dæmis eins og settar eru fyrir framan ljóskastara til að fá litað ljós þegar sett er upp diskótek.   Finna til gular, rauðar, grænar og bláar fólíur og prófa sig áfram með því að leggja fólíurnar yfir hlutina og sjá hvaða lit hlutir eða plöntur fá á sig. 

Lífsmynstrið er ekki nákvæmlega eins hjá neinu okkar.   Öll þurfum við að takast á við lífið.  Það er bara spurning hvernig við tökumst á við það.   Best er að líta á hindranir og erfiðleika sem þroskabraut og þakka fyrir bæði það og góðu stundirnar í lífi okkar!

Orkulind

Hér liggja sporin

sprettur og leti,

gleði og sorgir

uppvaxtarárin.

                                                      

Ljóð eftir Vigdísi Steinþórsdóttur