Þakklæti og kærleikur

7.Kafli - Hversvegna er “ég” hér á jörðinni?

I.Þakklæti og kærleikur

Þakklæti 

v  Tilgangur: Kenna börnum að þakka fyrir, til dæmis, foreldra, systkini, ættingja, vini, skólann og lífið!

q  Aðferð: Það er hægt að gera með spurningum á borð við „hverjum viltu þakka í dag/í þetta skiptið?”,  „Gerði einhver eitthvað fyrir þig sem þér þótti vænt um?”,  “Er ekki gott að við eigum fötin okkar og matinn sem við höfum í dag?”

q  Aðferð: Kenna nemandanum að þakka fyrir allt hið hversdagslega og líka það sem erfitt er því það að sigrast á erfiðleikum sem koma upp er leið að enn frekari þroska.

q  Aðferð: Kenna nemandanum að þakka fyrir allt! 

q  Aðferð: Það er góðs viti að þakka fyrirfram fyrir daginn sem er að hefjast. Einnig er ávallt gott að þakka fyrir daginn í lok dags.

Í bókinni Allra besta gjöfin er fjallað um „Gullna listann“ en það er listi sem hver og einn getur búið sér til með því að sjá fyrir sér á hverjum morgni gullið spjald sem á eru ritaðir tíu hlutir sem viðkomandi er sérlega þakklátur fyrir í lífi sínu.

Þakklætisbókin, eftir Sigurð Víðir Ívarsson, er með fallegar daglegar setningar neðst á hverri síðu og síðan tómar blaðsíðurnar til að skrifa inn í þakklæti sitt og þar með minna sig á, og halda utan um, hvað maður getur þakkað fyrir!

Kærleikur

Á íslensku eigum við orðin kærleikur og ást en í enskri tungu er í raun notað orðið Love yfir bæði hugtökin.   Kærleikur er í raun ást til alls.   Kenna nemanda hvað sé kærleikur.   Með því er hægt að byggja upp kærleiksríkari einstakling sem þá byggir upp kærleiksríkara samfélag. 

“Elska skaltu náungann eins og sjálfan þig”, segir í Biblíunni.    Þetta þýðir að þú átt fyrst að elska sjálfa/n þig sem og elska og koma fram við fólkið í kringum þig eins og þú vilt að komið sé fram við þig.

Í kærleikanum er fyrirgefningin einna stærst.   Við verðum að fyrirgefa öðrum og biðjast sjálf fyrirgefningar á gjörðum okkar.   En það er leiðin að dýpri andlegum þroska og meiri hamingju.