Góðsemi og velvilji

7.Kafli - Hver er tilgangurinn með veru minni hér á jörðinni?

II.Góðsemi og velvilji

Allar manneskjur eru að grunni til góðar manneskjur, allir fæðast „góðir“ en við höfum að miklu leyti farið í gegnum neðangreint áður í handbókinni.   Það er síðan hvernig hverri og einni manneskju tekst að vinna úr aðstæðum og umhverfinu á hvaða veg hver og einn einstaklingur þróast.   Áföll geta leitt til biturleika, erfiðleikar geta leitt til neikvæðni.   Spurningin er hvort litið er á mótlæti sem leið til þroska eða til að nýta við eigið niðurrif!   Þetta er val hvers og eins.   

Stundum þarf stuðning til að komast í gegnum erfiðleika en þá er það á ábyrgð hvers og eins að leita eftir því.   Það er á ábyrgð hvers og eins að vinna í sínum málum.   Ef og þegar einhver biður um hjálp þá eigum við að bregðast við þeirri hjálparbeiðni.   Hvað unga nemendur varðar þá þarf að styðja þá en kenna þeim að taka ábyrgð, kenna þeim að takast á við aðstæður og vinna úr þeim.