Gullkorn - spakmæli

Hvernig “kerfi” get “ég” notað til að virka sem best í tilverunni?

8.Kafli –  Þekkt viðmiðunar “kerfi” 

VI.Gullkorn – spakmæli – dagleg orð

Gullkorn - spakmæli

Víða er hægt að komast yfir gullkorn, spakmæli, og falleg orð.  Þetta geta verið gullvægar setningar sem sagðar hafa verið af þekktum eða óþekktum aðilum.

Tökum dæmi um nokkur spakmæli.

Hamingjan vex á okkar eigin akri og hana er ekki hægt að tína í annarra görðum.

Douglas Jerrold

Lífsviska er meðal annars fólgin í því að leiða hjá sér það sem skiptir ekki máli.

Lin Yutang

Þú breytir ranglega þegar þú hrósar einhverju sem þú skilur ekki fyllilega

en þó er enn verra þegar þú fordæmir það.

Leonardo da Vinci

Þegar dagur er að kvöldi kominn skaltu segja skilið við hann.

                                        Á morgun kemur nýr dagur fullur af fögrum fyrirheitum og

                allt of dýrmætur til þess að vert sé að sóa einu andartaki í gærdaginn.

R.W.Emerson

Hundrað sinnum á dag minni ég sjálfan mig á, að bæði hið innra og ytra líf mitt byggist á því sem aðrir, lifandi og liðnir, hafa skapað.  Þess vegna verð ég að leggja mig allan fram við að gefa í sama mæli og ég hefi þegið.

                                                                                                                             Albert Einstein

q  Aðferð: Hægt er að nota og finna spakmæli og gullkorn, í bókum, í dagatölum, á internetinu og víðar.   Þeim er síðan hægt að safna saman á góðan stað, til dæmis í bók, á plakat eða á vefsíðu. 

Dæmi um hvar hægt er að finna spakmæli er í samantekt Helen Exley; Speki dagsins.   En það eru til ótal útgáfur af slíkum skemmtilegum og uppörvandi samantektum.   Vefurinn www.tilvitnun.is inniheldur mikið magn af tilvitnunum, sem hægt er að nýta við ýmis tækifæri.

q  

 Aðferð: Bjóða nemendum að finna uppáhaldstilvitnanir sínar og safna nokkrum þeirra saman.  

Einnig er oft hægt að setja sig á póstlista og fá slík gullkorn send reglulega í tölvupósti.   En hægt er að skrá sig á ýmsa slíka póstlista meðal annars á póstlista á vefunum www.lotushus.is, www.velgengni.is og póstlista Neal Donald Walch, www.nealedonaldwalsch.com, sem skrifaði bókina“Samræður við Guð.

q  

 Aðferð: Bjóða nemendum að búa til sín eigin gullkorn, sín eigin spakmæli.

Dagleg orð

Falleg orð er hægt að finna í bókum, í fjölbreyttu prentuðu formi, internetinu og víðar en einnig er hægt að bara hugsa þau upp sjálf/ur!   Hægt er að tína til eigið orðasafn, til dæmis orðin kærleikur, heiðarleiki, sannleikur, háttvísi og þannig má lengi telja.  

q 

  Aðferð:  Kenna nemendum að tína til sín eigin fallegu orð og setja á blað, jafnvel í litla bók og myndskreyta eða líma inn tilheyrandi myndir við orðin á síðunum.   Síðan væri jafnvel hægt að ramma þau inn!   Einnig væri hægt að koma þeim fyrir á góðum stað á netinu þar sem enn fleiri sjá þau!